hum apne baKHt-e-siyah ke asar mein rahte hain

ham apne baḳht-e-siyah ke asar meñ rahte haiñ

vo raat hai ki sitāre nazar meñ rahte haiñ

tamāsha-e-gāh-e-tulū-o-ġhurūb se haT kar

ham ik savād-e-shab-e-be-sahar meñ rahte haiñ

na thī ḳhudā kī zamīñ tañg jin ke qadmoñ par

fuġhāñ ki qaid vo dīvār-o-dar meñ rahte haiñ

vo āgahī ke samundar kahāñ haiñ jin ke liye

tamām-umr ye pyāse safar meñ rahte haiñ

havā-e-kūcha-e-mahbūb se kahe to kaun

ki ham bhī ārzū-e-nāma-bar meñ rahte haiñ

vo shahryār-e-suḳhan naam jin kā 'sahbā' hai

faqīr ban ke tirī rahguzar meñ rahte haiñ

hum apne baKHt-e-siyah ke asar mein rahte hain

wo raat hai ki sitare nazar mein rahte hain

tamasha-e-gah-e-tulu-o-ghurub se haT kar

hum ek sawad-e-shab-e-be-sahar mein rahte hain

na thi KHuda ki zamin tang jin ke qadmon par

fughan ki qaid wo diwar-o-dar mein rahte hain

wo aagahi ke samundar kahan hain jin ke liye

tamam-umr ye pyase safar mein rahte hain

hawa-e-kucha-e-mahbub se kahe to kaun

ki hum bhi aarzu-e-nama-bar mein rahte hain

wo shahryar-e-suKHan nam jin ka 'sahba' hai

faqir ban ke teri rahguzar mein rahte hain