hum apne charaghon ki hifazat nahin karte

ham apne charāġhoñ kī hifāzat nahīñ karte

yā'nī ki ujāloñ kī himāyat nahīñ karte

karte haiñ vahī kaam jo karnā hī nahīñ hai

karnā hai jise karne kī himmat nahīñ karte

ghar-bār meñ barkat kī 'alāmat haiñ ye bahneñ

bahnoñ meñ hī taqsīm virāsat nahīñ karte

is 'ahd ke bachchoñ meñ hai tahzīb kā fuqdān

mahfil meñ buzurgoñ kī ri'āyat nahīñ karte

is daur-e-taraqqī kā asar dekhiye ham log

masjid to banāte haiñ 'ibādat nahīñ karte

hum apne charaghon ki hifazat nahin karte

ya'ni ki ujalon ki himayat nahin karte

karte hain wahi kaam jo karna hi nahin hai

karna hai jise karne ki himmat nahin karte

ghar-bar mein barkat ki 'alamat hain ye bahnen

bahnon mein hi taqsim wirasat nahin karte

is 'ahd ke bachchon mein hai tahzib ka fuqdan

mahfil mein buzurgon ki ri'ayat nahin karte

is daur-e-taraqqi ka asar dekhiye hum log

masjid to banate hain 'ibaadat nahin karte