hum apne hijr mein apne visal mein gum hain

ham apne hijr meñ apne visāl meñ gum haiñ

vo sochtā hai ki us ke ḳhayāl meñ gum haiñ

har ek lamha-e-lazzat hisāb māñgtā hai

so ham bhī sab kī tarah ik savāl meñ gum haiñ

shafaq kī aañkh kise ro rahī hai muddat se

dyār-o-dasht sabhī kis malāl meñ gum haiñ

rutoñ ke dā.ere kyuuñ aaj tak salāmat haiñ

tamām silsile kyuuñ māh-o-sāl meñ gum haiñ

ye chāñd jhiil ke paanī se ham-kalām hai kyuuñ

kināre kis liye ranj-o-malāl meñ gum haiñ

hum apne hijr mein apne visal mein gum hain

wo sochta hai ki us ke KHayal mein gum hain

har ek lamha-e-lazzat hisab mangta hai

so hum bhi sab ki tarah ek sawal mein gum hain

shafaq ki aankh kise ro rahi hai muddat se

dyar-o-dasht sabhi kis malal mein gum hain

ruton ke daere kyun aaj tak salamat hain

tamam silsile kyun mah-o-sal mein gum hain

ye chand jhil ke pani se ham-kalam hai kyun

kinare kis liye ranj-o-malal mein gum hain