hum apne ishq ki babat kuchh ehtimal mein hain

ham apne ishq kī bābat kuchh ehtimāl meñ haiñ

ki terī ḳhūbiyāñ ik aur ḳhush-ḳhisāl meñ haiñ

tamīz-e-hijr-o-visāl is maqām par bhī hai

hisāb-e-rāh-e-mohabbat meñ garche haal meñ haiñ

koī bhī paas nahīñ to tirā ḳhayāl na ġham

ba-qaul-e-pīr-e-jahāñ-dīda ham visāl meñ haiñ

bahut zarūrī nahīñ hai ki tū sabab Thahre

ye baat apnī jagah ham kisī malāl meñ haiñ

guzishta saal rahā jin pe tañg arsa-e-vaqt

vo saare ḳhvāb ba-ta.abīr ab ke saal meñ haiñ

hum apne ishq ki babat kuchh ehtimal mein hain

ki teri KHubiyan ek aur KHush-KHisal mein hain

tamiz-e-hijr-o-visal is maqam par bhi hai

hisab-e-rah-e-mohabbat mein garche haal mein hain

koi bhi pas nahin to tera KHayal na gham

ba-qaul-e-pir-e-jahan-dida hum visal mein hain

bahut zaruri nahin hai ki tu sabab Thahre

ye baat apni jagah hum kisi malal mein hain

guzishta sal raha jin pe tang arsa-e-waqt

wo sare KHwab ba-tabir ab ke sal mein hain