hum baad-e-saba le ke jab ghar se nikalte the

ham bād-e-sabā le ke jab ghar se nikalte the

har raah meñ rukte the har dar pe Thaharte the

vīrāna koī ham se dekhā nahīñ jaatā thā

dīvār uThāte the darvāze badalte the

āvāra se ham laḌke rātoñ ko phirā karte

ham sarv charāġhāñ the chaurāhoñ pe jalte the

ye ḳhāk-e-jahāñ un ke qadmoñ se lipaT jaatī

jo raah ke kāñToñ ko chunte hue chalte the

ik shaam sar-e-mahfil ham ne bhī use dekhā

ye sach hai un āñkhoñ meñ mai-ḳhāne machalte the

hum baad-e-saba le ke jab ghar se nikalte the

har rah mein rukte the har dar pe Thaharte the

virana koi hum se dekha nahin jata tha

diwar uThate the darwaze badalte the

aawara se hum laDke raaton ko phira karte

hum sarw charaghan the chaurahon pe jalte the

ye KHak-e-jahan un ke qadmon se lipaT jati

jo rah ke kanTon ko chunte hue chalte the

ek sham sar-e-mahfil hum ne bhi use dekha

ye sach hai un aankhon mein mai-KHane machalte the