hum baat tere munh pe khari karne lage hain

ham baat tire muñh pe kharī karne lage haiñ

jā tujh ko taḳhayyul se barī karne lage haiñ

haañ raas nahīñ ham ko mohabbat kā ḳhazāna

thak-hār ke ham saudāgarī karne lage haiñ

miTTī se banāyā thā jo sāhil pe gharauñdā

kuchh bachche use bāra-darī karne lage haiñ

is vāste lahje ko badal Daalā hai ham ne

ḳhūshāb ko ham dekh mirī karne lage haiñ

muddat se taḳhayyul meñ thī jo mūrtī terī

ham ab ke use chhū ke parī karne lage haiñ

jo log nahīñ jānte miTTī kī haqīqat

vo log bhī ab kūza-garī karne lage haiñ

qurbān 'hasan' aise faqīroñ pe mirā dil

jo peḌ ke pattoñ ko darī karne lage haiñ

hum baat tere munh pe khari karne lage hain

ja tujh ko taKHayyul se bari karne lage hain

han ras nahin hum ko mohabbat ka KHazana

thak-haar ke hum saudagari karne lage hain

miTTi se banaya tha jo sahil pe gharaunda

kuchh bachche use bara-dari karne lage hain

is waste lahje ko badal Dala hai hum ne

KHushab ko hum dekh meri karne lage hain

muddat se taKHayyul mein thi jo murti teri

hum ab ke use chhu ke pari karne lage hain

jo log nahin jaante miTTi ki haqiqat

wo log bhi ab kuza-gari karne lage hain

qurban 'hasan' aise faqiron pe mera dil

jo peD ke patton ko dari karne lage hain