hum barq-o-sharar ko kabhi KHatir mein na lae

ham barq-o-sharar ko kabhī ḳhātir meñ na laa.e

us fitna-e-daurāñ ko magar dekh na paa.e

go qatre meñ dariyāoñ kā tūfān samā.e

par shauq kī rūdād kab alfāz meñ aa.e

zulfoñ ko diyā hai ruḳh-e-zebā ne ajab rañg

jalvoñ se tire aur bhī raushan hue saa.e

ye ishq ke sho.ale bhī ajab chīzeñ haiñ ya.anī

jo aag lagā.e vahī ḳhud aag bujhā.e

Dhaltī hai vo mai ik tire paimāne meñ saaqī

mastī ko bhī jo hosh ke ādāb sikhā.e

terī hī nigāhoñ kā tasarruf thā ki ham ne

rānā.i-e-afkār ke e.ajāz dikhā.e

jis dil pe kisī kī nigah-e-lutf paḌī thī

baiThe haiñ 'surūr' us ko kaleje se lagā.e

hum barq-o-sharar ko kabhi KHatir mein na lae

us fitna-e-dauran ko magar dekh na pae

go qatre mein dariyaon ka tufan samae

par shauq ki rudad kab alfaz mein aae

zulfon ko diya hai ruKH-e-zeba ne ajab rang

jalwon se tere aur bhi raushan hue sae

ye ishq ke shoale bhi ajab chizen hain yani

jo aag lagae wahi KHud aag bujhae

Dhalti hai wo mai ek tere paimane mein saqi

masti ko bhi jo hosh ke aadab sikhae

teri hi nigahon ka tasarruf tha ki hum ne

ranai-e-afkar ke eajaz dikhae

jis dil pe kisi ki nigah-e-lutf paDi thi

baiThe hain 'surur' us ko kaleje se lagae