hum bazm ki pahchan the bas yaad hai itna

ham bazm kī pahchān the bas yaad hai itnā

ham pyaar kā 'unvān the bas yaad hai itnā

bas yaad hai itnā ki sabhī moḌ the anjān

raste bhī bayābān the bas yaad hai itnā

phir kaise mile ḳhaak meñ ham yaad nahīñ hai

ham jān-e-gulistān the bas yaad hai itnā

kuchh yaad nahīñ hai ki safar kaise kaTā hai

har moḌ pe tūfān the bas yaad hai itnā

kyā vaj.h-e-pareshānī-e-yārāñ thī nahīñ yaad

sab log pareshān the bas yaad hai itnā

toḌā hai 'zafar' kis ne ye dil bhuul gayā huuñ

is dil meñ bhī armān the bas yaad hai itnā

hum bazm ki pahchan the bas yaad hai itna

hum pyar ka 'unwan the bas yaad hai itna

bas yaad hai itna ki sabhi moD the anjaan

raste bhi bayaban the bas yaad hai itna

phir kaise mile KHak mein hum yaad nahin hai

hum jaan-e-gulistan the bas yaad hai itna

kuchh yaad nahin hai ki safar kaise kaTa hai

har moD pe tufan the bas yaad hai itna

kya wajh-e-pareshani-e-yaran thi nahin yaad

sab log pareshan the bas yaad hai itna

toDa hai 'zafar' kis ne ye dil bhul gaya hun

is dil mein bhi arman the bas yaad hai itna