hum bhi ai dost gham-e-ishq ke mare the kabhi

ham bhī ai dost ġham-e-ishq ke maare the kabhī

ham ne bhī chand hasīñ lamhe guzāre the kabhī

kaun mānegā kise aaj yaqīñ aa.egā

ham bhī duniyā ko dil-o-jān se pyāre the kabhī

ab ye aalam hai ḳhalāoñ meñ bhaTaktī hai nazar

zarre zarre meñ nihāñ chāñd sitāre the kabhī

ab vahī haath haiñ aur chāk-garebāñ zālim

jin se din raat tire baal sañvāre the kabhī

zindagī jin se daraḳhshāñ thī mohabbat zinda

usī ḳhākistar-e-dil meñ sharāre the kabhī

bhūlnā chāhūñ agar maiñ to bhulā bhī na sakūñ

uff vo lamhe jo tire saath guzāre the kabhī

itnī zālim to na thī gardish-e-daurāñ 'rāhī'

itne be-bas to na ham ishq ke maare the kabhī

hum bhi ai dost gham-e-ishq ke mare the kabhi

hum ne bhi chand hasin lamhe guzare the kabhi

kaun manega kise aaj yaqin aaega

hum bhi duniya ko dil-o-jaan se pyare the kabhi

ab ye aalam hai KHalaon mein bhaTakti hai nazar

zarre zarre mein nihan chand sitare the kabhi

ab wahi hath hain aur chaak-gareban zalim

jin se din raat tere baal sanware the kabhi

zindagi jin se daraKHshan thi mohabbat zinda

usi KHakistar-e-dil mein sharare the kabhi

bhulna chahun agar main to bhula bhi na sakun

uff wo lamhe jo tere sath guzare the kabhi

itni zalim to na thi gardish-e-dauran 'rahi'

itne be-bas to na hum ishq ke mare the kabhi