hum bhi badal gae teri tarz-e-ada ke sath sath

ham bhī badal ga.e tirī tarz-e-adā ke saath saath

rañg-e-hinā ke saath saath shoḳhī-e-pā ke saath saath

nik.hat-e-zulf le uḌī misl-e-ḳhayāl chal paḌī

chaltā hai kaun dekhiye aaj hinā ke saath saath

itnī jafā-tarāziyāñ itnī sitam-shi.āriyāñ

tum bhī chale ho kuchh qadam ahl-e-vafā ke saath saath

vahshat-e-dard-e-hijr ne ham ko jagā jagā diyā

niiñd kabhī jo aa ga.ī ThanDī huā ke saath saath

hosh uḌā uḌā diye raah ke iztirāb ne

nik.hat-e-gul chalī to thī bād-e-sabā ke saath saath

hum bhi badal gae teri tarz-e-ada ke sath sath

rang-e-hina ke sath sath shoKHi-e-pa ke sath sath

nikhat-e-zulf le uDi misl-e-KHayal chal paDi

chalta hai kaun dekhiye aaj hina ke sath sath

itni jafa-taraaziyan itni sitam-shiariyan

tum bhi chale ho kuchh qadam ahl-e-wafa ke sath sath

wahshat-e-dard-e-hijr ne hum ko jaga jaga diya

nind kabhi jo aa gai ThanDi hua ke sath sath

hosh uDa uDa diye rah ke iztirab ne

nikhat-e-gul chali to thi baad-e-saba ke sath sath