hum bhi baiThe yaad-e-jaanan zikr-e-jaanan mein asir

ham bhī baiThe yād-e-jānāñ zikr-e-jānāñ meñ asiir

hijr kī tārīkiyoñ meñ yaad un kī dastgīr

haa.e kuchh zaḳhm-e-jigar haiñ tohfa-e-yār-e-'azīz

chashm-o-mizhgāñ ḳhāl-o-abrū tiir haiñ bas tez tiir

mai-kashī 'ādat nahīñ hai phir bhī yād-e-mai-kashī

raat din taḌpā.e mujh ko chashm-e-sāqī kī lakīr

hai turāb-e-jāñ-nisārī 'ishq-o-'irfāñ se vujūd

pūchhte kyā ho ki kaisī hai mirī jaañ kī ḳhamīr

'āhan'-e-be-chāra-o-bekas kā pūchho haal kyā

shāh-e-istiġhnā hai lekin tere dar kā vo faqīr

hum bhi baiThe yaad-e-jaanan zikr-e-jaanan mein asir

hijr ki tarikiyon mein yaad un ki dastgir

hae kuchh zaKHm-e-jigar hain tohfa-e-yar-e-'aziz

chashm-o-mizhgan KHal-o-abru tir hain bas tez tir

mai-kashi 'adat nahin hai phir bhi yaad-e-mai-kashi

raat din taDpae mujh ko chashm-e-saqi ki lakir

hai turab-e-jaan-nisari 'ishq-o-'irfan se wujud

puchhte kya ho ki kaisi hai meri jaan ki KHamir

'ahan'-e-be-chaara-o-bekas ka puchho haal kya

shah-e-istighna hai lekin tere dar ka wo faqir