hum bhi dekhenge ki aana tera kyunkar na hua

ham bhī dekheñge ki aanā tirā kyūñkar na huā

ye bhī ik khel huā fitna-e-mahshar na huā

ham hī the ḳhaak ke putle ki hue jal kar ḳhaak

ai falak aur koī tujh ko mayassar na huā

vaa.e nākāmī-e-qismat ki kabhī halq apnā

qābil-e-ḳhanjar-o-shamshīr-e-sitamgar na huā

ham na kahte the kiyā kar na sadā shor-o-fuġhāñ

inhīñ bātoñ se Thikānā dil-e-muztar na huā

merī vahshat ne kiyā hashr meñ hangāma sā

chaak sau jaa.e se kam dāman-e-mahshar na huā

hasrat us āshiq-e-nāshād pe jis kā ye haal

na huā vasl-e-butāñ aur use dūbhar na huā

ham to kahte the dilā jī kā lagānā hai burā

āḳhirash aage vo aayā na ki behtar na huā

āb-e-shamshīr tirā kaam na aayā apne

dahan-e-ḳhushk-o-lab-e-tishna gulū tar na huā

qismat-e-ġhair hī achchhī hai ki har-dam hai visāl

ham se to hashr kā bhī va.ada muqarrar na huā

saḳhtiyāñ thiiñ mere qismat kī tirī ulfat meñ

pīTnā jaañ kā kisī din but-e-kāfir na huā

haiñ ye sāmān-e-shab-e-aish ke nāhaq ta.ane

kab tum aa.e the ki kuchh mujh ko mayassar na huā

jurm-e-yak-bosa-e-abrū pe kiye do TukḌe

zulm ye shikva ye baaqī ki barābar na huā

ghar meñ jaatī nahīñ pahchānī tirī shakl 'hayā'

us pe hasrat ki dar-e-yār pe bistar na huā

hum bhi dekhenge ki aana tera kyunkar na hua

ye bhi ek khel hua fitna-e-mahshar na hua

hum hi the KHak ke putle ki hue jal kar KHak

ai falak aur koi tujh ko mayassar na hua

wae nakaami-e-qismat ki kabhi halq apna

qabil-e-KHanjar-o-shamshir-e-sitamgar na hua

hum na kahte the kiya kar na sada shor-o-fughan

inhin baaton se Thikana dil-e-muztar na hua

meri wahshat ne kiya hashr mein hangama sa

chaak sau jae se kam daman-e-mahshar na hua

hasrat us aashiq-e-nashad pe jis ka ye haal

na hua wasl-e-butan aur use dubhar na hua

hum to kahte the dila ji ka lagana hai bura

aaKHirash aage wo aaya na ki behtar na hua

aab-e-shamshir tera kaam na aaya apne

dahan-e-KHushk-o-lab-e-tishna gulu tar na hua

qismat-e-ghair hi achchhi hai ki har-dam hai visal

hum se to hashr ka bhi wada muqarrar na hua

saKHtiyan thin mere qismat ki teri ulfat mein

piTna jaan ka kisi din but-e-kafir na hua

hain ye saman-e-shab-e-aish ke nahaq tane

kab tum aae the ki kuchh mujh ko mayassar na hua

jurm-e-yak-bosa-e-abru pe kiye do TukDe

zulm ye shikwa ye baqi ki barabar na hua

ghar mein jati nahin pahchani teri shakl 'haya'

us pe hasrat ki dar-e-yar pe bistar na hua