hum bhi guzar gae yahan kuchh pal guzar ke
ham bhī guzar ga.e yahāñ kuchh pal guzār ke
rāteñ thiiñ qarz kī yahāñ din the udhār ke
jaise purānā haar thā rishta tirā mirā
achchhā kiyā jo rakh diyā tū ne utaar ke
dil meñ hazār dard hoñ aañsū chhupā ke rakh
koī to kārobār ho bin ishtihār ke
kyā jaane ab bhī dard ko kyuuñ hai mirī talāsh
TukḌe bhī ab kahāñ bache is ke shikār ke
shāyad zabāñ pe qarz thā ham ne chukā diyā
ḳhāmosh ho ga.e haiñ tujhe ham pukār ke
aise sulag uThā tirī yādoñ se dil mirā
jaise dhadhak uTheñ kahīñ jañgal chīnār ke
hum bhi guzar gae yahan kuchh pal guzar ke
raaten thin qarz ki yahan din the udhaar ke
jaise purana haar tha rishta tera mera
achchha kiya jo rakh diya tu ne utar ke
dil mein hazar dard hon aansu chhupa ke rakh
koi to karobar ho bin ishtihaar ke
kya jaane ab bhi dard ko kyun hai meri talash
TukDe bhi ab kahan bache is ke shikar ke
shayad zaban pe qarz tha hum ne chuka diya
KHamosh ho gae hain tujhe hum pukar ke
aise sulag uTha teri yaadon se dil mera
jaise dhadhak uThen kahin jangal chinar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
