ہم بھی راہی تم بھی راہی کون کس کا آشنا

ہم بھی راہی تم بھی راہی کون کس کا آشنا

راستے کی بات ہے پھر ہوں گے سب ناآشنا

لذت آسودگی یا خواب ہے یا واہمہ

بوند بھر تحویل اپنی پیاس دریا آشنا

ناموافق وقت نے گھیرا ہمیں جس موڑ پر

تھے وہاں ہم شکل سب نا آشنا کیا آشنا

ہم خیالی ہی نہ ہو تو دوستی کا ذکر کیا

ہم کہ سادہ لوح ٹھہرے آپ دنیا آشنا

بے تکلف گفتگو ہوتی ٹھہاکے گونجتے

اس پرائے شہر میں ہوتا جو اپنا آشنا

ہر طرف بے اعتباری کا عجب ماحول تھا

اجنبی نکلا وہی جس جس کو سمجھا آشنا

بے کسی کی چلچلاتی دھوپ ہو جب راہ میں

ماں کے سائے سے زیادہ کون سچا آشنا