hum bhi rahi tum bhi rahi kaun kis ka aashna

ham bhī raahī tum bhī raahī kaun kis kā āshnā

rāste kī baat hai phir hoñge sab nā-āshnā

lazzat-e-āsūdgī yā ḳhvāb hai yā vāhima

būñd-bhar tahvīl apnī pyaas dariyā-āshnā

nā-muvāfiq vaqt ne gherā hameñ jis moḌ par

the vahāñ ham-shakl sab nā-āshnā kyā āshnā

ham-ḳhayālī hī na ho to dostī kā zikr kyā

ham ki sāda-lauh Thahre aap duniyā-āshnā

be-takalluf guftugū hotī Thahāke gūñjte

is parā.e shahr meñ hotā jo apnā āshnā

har taraf be-e'tibārī kā 'ajab māhaul thā

ajnabī niklā vahī jis jis ko samjhā āshnā

be-kasī kī chilchilātī dhuup ho jab raah meñ

maañ ke saa.e se ziyāda kaun sachchā āshnā

hum bhi rahi tum bhi rahi kaun kis ka aashna

raste ki baat hai phir honge sab na-ashna

lazzat-e-asudgi ya KHwab hai ya wahima

bund-bhar tahwil apni pyas dariya-ashna

na-muwafiq waqt ne ghera hamein jis moD par

the wahan ham-shakl sab na-ashna kya aashna

ham-KHayali hi na ho to dosti ka zikr kya

hum ki sada-lauh Thahre aap duniya-ashna

be-takalluf guftugu hoti Thahake gunjte

is parae shahr mein hota jo apna aashna

har taraf be-e'tibari ka 'ajab mahaul tha

ajnabi nikla wahi jis jis ko samjha aashna

be-kasi ki chilchilati dhup ho jab rah mein

man ke sae se ziyaada kaun sachcha aashna