hum bhi zinda hain ajab kawish-e-izhaar ke sath

ham bhī zinda haiñ 'ajab kāvish-e-iz.hār ke saath

guftugū karte haiñ ghar ke dar-o-dīvār ke saath

ham ne aise bhī faqīhān-e-haram dekhe haiñ

bech dete haiñ fazīlat bhī jo dastār ke saath

hairatī huuñ vo musalmāñ ko musalmāñ karne

sar-e-bāzār nikal aate haiñ do-chār ke saath

kyā zarūrat hai unheñ manzar-o-pas-manzar kī

jo kahānī hī badal dete haiñ kirdār ke saath

aise ḳhurshīd kī bhī ham ne pazīrā.ī kī

jo dam-e-sub.h nikaltā hai shab-e-tār ke saath

chiiz dukkāñ se uThā kar vahīñ rakh detā huuñ

roz ye hotā hai mujh aise ḳharīdār ke saath

'mohsin'-ehsān mashaqqat kī bhī had hotī hai

tum to mar jāoge bār-e-ġham-e-dil-dār ke saath

hum bhi zinda hain 'ajab kawish-e-izhaar ke sath

guftugu karte hain ghar ke dar-o-diwar ke sath

hum ne aise bhi faqihan-e-haram dekhe hain

bech dete hain fazilat bhi jo dastar ke sath

hairati hun wo musalman ko musalman karne

sar-e-bazar nikal aate hain do-chaar ke sath

kya zarurat hai unhen manzar-o-pas-manzar ki

jo kahani hi badal dete hain kirdar ke sath

aise KHurshid ki bhi hum ne pazirai ki

jo dam-e-subh nikalta hai shab-e-tar ke sath

chiz dukkan se uTha kar wahin rakh deta hun

roz ye hota hai mujh aise KHaridar ke sath

'mohsin'-ehsan mashaqqat ki bhi had hoti hai

tum to mar jaoge bar-e-gham-e-dil-dar ke sath