hum chhoD chale hain mahfil ko yaad aae kabhi to mat rona

ham chhoḌ chale haiñ mahfil ko yaad aa.e kabhī to mat ronā

is dil ko tasallī de denā ghabrā.e kabhī to mat ronā

ik ḳhvāb sā dekhā thā ham ne jab aañkh khalī vo TuuT gayā

ye pyaar agar sapnā ban kar taḌpā.e kabhī to mat ronā

tam mere ḳhayāloñ meñ kho kar barbād na karnā jīvan ko

jab koī sahelī baat tumheñ samjhā.e kabhī to mat ronā

jīvan ke safar meñ tanhā.ī mujh ko to na zinda chhoḌegī

marne kī ḳhabar ai jān-e-jigar mil jaa.e kabhī to mat ronā

hum chhoD chale hain mahfil ko yaad aae kabhi to mat rona

is dil ko tasalli de dena ghabrae kabhi to mat rona

ek KHwab sa dekha tha hum ne jab aankh khali wo TuT gaya

ye pyar agar sapna ban kar taDpae kabhi to mat rona

tam mere KHayalon mein kho kar barbaad na karna jiwan ko

jab koi saheli baat tumhein samjhae kabhi to mat rona

jiwan ke safar mein tanhai mujh ko to na zinda chhoDegi

marne ki KHabar ai jaan-e-jigar mil jae kabhi to mat rona