hum etibar-e-junun bar bar karte rahe

ham e'tibār-e-junūñ baar baar karte rahe

salāhkār hameñ hoshiyār karte rahe

tamām 'umr jafāoñ ko 'āshiqī jaanā

tamām 'umr sitam-gar se pyaar karte rahe

jo mere baa'd tire ho nahīñ sake vo log

tirī tabāhiyoñ ko ġham-gusār karte rahe

tirī umiid bhī toḌī ḳhatā bhī kī ham ne

ḳhudā kī zaat yuuñ hī sharm-sār karte rahe

hamīñ pe bār-e-suḳhan rakh ke chal diye 'ġhālib'

hamīñ suḳhanvarī meñ barg-o-bār karte rahe

hum e'tibar-e-junun bar bar karte rahe

salahkar hamein hoshiyar karte rahe

tamam 'umr jafaon ko 'ashiqi jaana

tamam 'umr sitam-gar se pyar karte rahe

jo mere ba'd tere ho nahin sake wo log

teri tabahiyon ko gham-gusar karte rahe

teri umid bhi toDi KHata bhi ki hum ne

KHuda ki zat yun hi sharm-sar karte rahe

hamin pe bar-e-suKHan rakh ke chal diye 'ghaalib'

hamin suKHanwari mein barg-o-bar karte rahe