hum ek aankh un ko na bhae gae hain

ham ek aañkh un ko na bhaa.e ga.e haiñ

magar phir vo kyoñ muskurā.e ga.e haiñ

na dāmāñ na sāmāñ na taqdīr apnī

faqīrī meñ kyoñ ham satā.e ga.e haiñ

koī ham sā rusvā na hogā jahāñ meñ

jahāñ se bhī nikle nikāle ga.e haiñ

baḌhe hī chale jā rahe haiñ añdhere

na-jāne kahāñ par ujāle ga.e haiñ

kahāñ rāz-e-hastī kahāñ tere jalve

ye parde bhī kaise girā.e ga.e haiñ

qasam khā ke sar kī vo kahte haiñ 'barham'

ye gesū tumhāre sañvāre ga.e haiñ

hum ek aankh un ko na bhae gae hain

magar phir wo kyon muskurae gae hain

na daman na saman na taqdir apni

faqiri mein kyon hum satae gae hain

koi hum sa ruswa na hoga jahan mein

jahan se bhi nikle nikale gae hain

baDhe hi chale ja rahe hain andhere

na-jaane kahan par ujale gae hain

kahan raaz-e-hasti kahan tere jalwe

ye parde bhi kaise girae gae hain

qasam kha ke sar ki wo kahte hain 'barham'

ye gesu tumhaare sanware gae hain