hum ek dusre ke is qadar KHumar mein hain

ham ek dūsre ke is qadar ḳhumār meñ haiñ

bichhaḌ chuke haiñ magar phir bhī intizār meñ haiñ

kamān khīñchne vaalo ko is kā ilm nahīñ

hadaf meñ haiñ hī nahīñ ham to ār-pār meñ haiñ

ye baat sach hai magar ham hī der meñ samjhe

na us ke aur na ham apne iḳhtiyār meñ haiñ

musāfiroñ kī thakan ye batā rahī hai hameñ

unheñ ḳhabar hī nahīñ hai vo kis dayār meñ haiñ

vo ahl-e-zarf the saayā talāsh karte rahe

ham ahl-e-kashf haiñ uḌte hue ġhubār meñ haiñ

jo ḳhvāb TuuT ga.e sabr de ga.e mujh ko

jo ḳhvāb bach ga.e vo chashm-e-ashk-bār meñ haiñ

hum ek dusre ke is qadar KHumar mein hain

bichhaD chuke hain magar phir bhi intizar mein hain

kaman khinchne walo ko is ka ilm nahin

hadaf mein hain hi nahin hum to aar-par mein hain

ye baat sach hai magar hum hi der mein samjhe

na us ke aur na hum apne iKHtiyar mein hain

musafiron ki thakan ye bata rahi hai hamein

unhen KHabar hi nahin hai wo kis dayar mein hain

wo ahl-e-zarf the saya talash karte rahe

hum ahl-e-kashf hain uDte hue ghubar mein hain

jo KHwab TuT gae sabr de gae mujh ko

jo KHwab bach gae wo chashm-e-ashk-bar mein hain