hum falak ke aadmi the sakinan-e-qarya-e-mahtab the

ham falak ke aadmī the sākinān-e-qarya-e-mahtāb the

ham tire hāthoñ meñ kaise aa ga.e ham to baḌe nāyāb the

vaqt ne ham ko agar patthar banā Daalā hai to ham kyā kareñ

yaad haiñ vo din bhī ham ko ham bhī jab mehr o vafā kā baab the

zar luTāte guzre mausam aane vaalī raushnī laatī ruteñ

chand yādeñ chand ummīdeñ hamārī ziist ke asbāb the

ḳhvāb aur tābīr haiñ do intihāoñ par hameñ ye ilm thā

ham jiye jaate the phir bhī apne kyā faulād ke āsāb the

ho sakī haiñ kab ḳhayāloñ kī ham-āhañgī kī zāmin qurbateñ

ek hī bistar pe sone vāloñ ke bhī apne apne ḳhvāb the

jo 'riyāz' aatā thā ham ko yaad vo ik qarya-e-sarsabz thā

chand raushan taaq the kuchh nuur meñ Duube hue mehrāb the

hum falak ke aadmi the sakinan-e-qarya-e-mahtab the

hum tere hathon mein kaise aa gae hum to baDe nayab the

waqt ne hum ko agar patthar bana Dala hai to hum kya karen

yaad hain wo din bhi hum ko hum bhi jab mehr o wafa ka bab the

zar luTate guzre mausam aane wali raushni lati ruten

chand yaaden chand ummiden hamari zist ke asbab the

KHwab aur tabir hain do intihaon par hamein ye ilm tha

hum jiye jate the phir bhi apne kya faulad ke aasab the

ho saki hain kab KHayalon ki ham-ahangi ki zamin qurbaten

ek hi bistar pe sone walon ke bhi apne apne KHwab the

jo 'riyaz' aata tha hum ko yaad wo ek qarya-e-sarsabz tha

chand raushan taq the kuchh nur mein Dube hue mehrab the