hum faqiron ka sune gar zikr-e-arra faKHta

ham faqīroñ kā sune gar zikr-e-arra fāḳhta

apnī kū-kū par kare hargiz na ġharra fāḳhta

jal ke ḳhākistar abhī ho jaa.e tū ik aan meñ

gar tire dil meñ ho soz-e-ishq zarra fāḳhta

chashm-e-tar se apnī tū sairāb rakh shamshād ko

yaañ daraḳht-e-ḳhushk par chaltā hai arra fāḳhta

jāma-e-ḳhākistarī se tere ye sābit huā

apnī darveshī kā hai tujh bhī ġharra fāḳhta

jis par us māh-e-tamāmī-posh kā saaya paḌe

baaġh meñ vo sarv ho rashk-e-maharra fāḳhta

ishq-e-mizhgāñ ne bhī to khīñchā hai dār-e-sarv par

yād-e-abrū meñ agar hai zer-e-arra fāḳhta

murġh-e-bustānī kā us ke sāmne dam band hai

naġhma-sanjī meñ na kar 'ġhāfil' se ġharra fāḳhta

hum faqiron ka sune gar zikr-e-arra faKHta

apni ku-ku par kare hargiz na gharra faKHta

jal ke KHakistar abhi ho jae tu ek aan mein

gar tere dil mein ho soz-e-ishq zarra faKHta

chashm-e-tar se apni tu sairab rakh shamshad ko

yan daraKHt-e-KHushk par chalta hai arra faKHta

jama-e-KHakistari se tere ye sabit hua

apni darweshi ka hai tujh bhi gharra faKHta

jis par us mah-e-tamami-posh ka saya paDe

bagh mein wo sarw ho rashk-e-maharra faKHta

ishq-e-mizhgan ne bhi to khincha hai dar-e-sarw par

yaad-e-abru mein agar hai zer-e-arra faKHta

murgh-e-bustani ka us ke samne dam band hai

naghma-sanji mein na kar 'ghafil' se gharra faKHta