ہم فقیروں کی جیب خالی ہے
یاد لیکن تری بچا لی ہے
آسماں سے کوئی خیال اترے
ذوق یا رب مرا سوالی ہے
راز پنہاں تھے سب خزاؤں کے
خشک پتوں نے بات اچھالی ہے
تیری یادوں سے بھاگنا کیسا
بس توجہ ذرا ہٹا لی ہے
لوگ آتے ہیں ڈوب جاتے ہیں
ذات قلزم جو اب بنا لی ہے
نور یزداں کا طور پہ جا کر
ہم نے دیکھا مراد پا لی ہے
عشق حاصل بھی اور لا حاصل
رات روشن بھی اور کالی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
