hum gadhe ko gadha samajhte hain

ham gadhe ko gadhā samajhte haiñ

vo hameñ jaane kyā samajhte haiñ

rah-zano is tarah se kaam karo

sab mujhe rahnumā samajhte haiñ

jin ko ġhote na lag sake vo log

nāḳhudā ko ḳhudā samajhte haiñ

zindagī bhar kī koshishoñ kā husūl

vo mirā mudda.ā samajhte haiñ

log kahte haiñ bevafā mujh ko

aur tumheñ bā-vafā samajhte haiñ

chīḳhte kyoñ ho hazrat-e-nāseh

ham tumhārā kahā samajhte haiñ

ye kisī bheḌiye ke panje haiñ

ham tire naqsh-e-pā samajhte haiñ

ġhair se un kā rabt bhī samjheñ

jo unheñ bevafā samajhte haiñ

un kī āñkheñ jo terī āñkhoñ ko

kuchh nahīñ mai-kada samajhte haiñ

maiñ huuñ aulād kī jagah 'ustād'

jaane ye log kyā samajhte haiñ

hum gadhe ko gadha samajhte hain

wo hamein jaane kya samajhte hain

rah-zano is tarah se kaam karo

sab mujhe rahnuma samajhte hain

jin ko ghote na lag sake wo log

naKHuda ko KHuda samajhte hain

zindagi bhar ki koshishon ka husul

wo mera muddaa samajhte hain

log kahte hain bewafa mujh ko

aur tumhein ba-wafa samajhte hain

chiKHte kyon ho hazrat-e-naseh

hum tumhaara kaha samajhte hain

ye kisi bheDiye ke panje hain

hum tere naqsh-e-pa samajhte hain

ghair se un ka rabt bhi samjhen

jo unhen bewafa samajhte hain

un ki aankhen jo teri aankhon ko

kuchh nahin mai-kada samajhte hain

main hun aulad ki jagah 'ustad'

jaane ye log kya samajhte hain