hum hijr ki kali raaton mein jab bistar-e-KHwab pe jate hain

ham hijr kī kaalī rātoñ meñ jab bistar-e-ḳhvāb pe jaate haiñ

maazī ke tamām masā.ib ik ik kar ke sāmne aate haiñ

phir mustaqbil ke bhayānak chehre par jab nazreñ paḌtī haiñ

is haibatnāk tasavvur se ham Darte haiñ ghabrāte haiñ

ġhairoñ se vo milte rahte haiñ ḳhud jā jā kar tanhā.ī meñ

merā kyā hai zikr bhalā mire saa.e se bhī sharmāte haiñ

mujh meñ aur mere raqīboñ meñ hai farq bas itnā thoḌā sā

un ko sūrat dikhlāte haiñ mujh ko āñkheñ dikhlāte haiñ

shāyad is kal se murād huā kartī hai qayāmat kī duurī

'zauqī' se vo apne jab bhī kabhī kal kā va.ada farmāte haiñ

hum hijr ki kali raaton mein jab bistar-e-KHwab pe jate hain

mazi ke tamam masaib ek ek kar ke samne aate hain

phir mustaqbil ke bhayanak chehre par jab nazren paDti hain

is haibatnak tasawwur se hum Darte hain ghabraate hain

ghairon se wo milte rahte hain KHud ja ja kar tanhai mein

mera kya hai zikr bhala mere sae se bhi sharmate hain

mujh mein aur mere raqibon mein hai farq bas itna thoDa sa

un ko surat dikhlate hain mujh ko aankhen dikhlate hain

shayad is kal se murad hua karti hai qayamat ki duri

'zauqi' se wo apne jab bhi kabhi kal ka wada farmate hain