hum is jahan mein aae to sath lae din

ham is jahān meñ aa.e to saath laa.e din

kisī ke maut ke jiine ke sab manā.e din

ḳhushī kā din to baḌī minnatoñ se bantā hai

udāsiyoñ ke magar haiñ bane-banā.e din

hue haiñ aañkh se ojhal kabhī jo apne the

hamārī god meñ palte haiñ kuchh parā.e din

ye shor-o-ġhul ye Thahāke tā qahqahoñ kā hujūm

baḌe jatan kiye phir ham ne chup karā.e din

jab us kā raat kā nashsha utarne vaalā thā

ġhamoñ ko ghol ke ham ne use pilā.e din

na is meñ chāñd na hī jagmagāte taare haiñ

koī sitāra-sifat aa ke ab sajā.e din

maiñ us ke saath añdheroñ kī sair par niklī

vo mere saath rahā aur mujhe dikhā.e din

hum is jahan mein aae to sath lae din

kisi ke maut ke jine ke sab manae din

KHushi ka din to baDi minnaton se banta hai

udasiyon ke magar hain bane-banae din

hue hain aankh se ojhal kabhi jo apne the

hamari god mein palte hain kuchh parae din

ye shor-o-ghul ye Thahake ta qahqahon ka hujum

baDe jatan kiye phir hum ne chup karae din

jab us ka raat ka nashsha utarne wala tha

ghamon ko ghol ke hum ne use pilae din

na is mein chand na hi jagmagate tare hain

koi sitara-sifat aa ke ab sajae din

main us ke sath andheron ki sair par nikli

wo mere sath raha aur mujhe dikhae din