ہم اتنا بندگی میں کھو چکے ہیں

ہم اتنا بندگی میں کھو چکے ہیں

خدا سے بات تک کرنے لگے ہیں

کھلونے سچ میں مہنگے ہو گئے ہیں

یہاں سب دل سے میرے کھیلتے ہیں

وبا پھیلی ہے ایسی آسماں میں

پرندے سب زمیں پر آ گرے ہیں

سکوں کی آس میں صحرا میں آیا

یہاں بھی پیڑ سب روٹھے کھڑے ہیں

اچانک آ کسی شب دیکھ آ کر

بڑے مشہور اپنے رت جگے ہیں

کوئی دوجا نہیں نزدیک میرے

مرے جو رابطے ہیں آپ سے ہیں

مزاج اپنا جہاں سے مختلف ہے

بہت کم لوگوں سے ہم بولتے ہیں

مرا رونا بھی سوہلؔ معجزہ ہے

خزاں میں پھول کچھ کھلنے لگے ہیں