hum jab ta’assubaat ki rau mein nikal gae

ham jab ta’assubāt kī rau meñ nikal ga.e

kitne na.e makān mahalle ke jal ga.e

ghar se nikal ke dekheñ khule āsmān meñ

tabdīl ham hue haiñ ki mausam badal ga.e

ye bahs hī fuzūl ki khoTe the yā khare

sikke the chalnā un kā muqaddar thā chal ga.e

raste pe ik za'īf ke chehre ko dekh kar

kyā kyā ḳhayāl zehn ke goshoñ meñ pal ga.e

pahchānñe meñ aatā nahīñ hai ab apnā shahr

do-chār saal meñ sabhī naqshe badal ga.e

hum jab ta’assubaat ki rau mein nikal gae

kitne nae makan mahalle ke jal gae

ghar se nikal ke dekhen khule aasman mein

tabdil hum hue hain ki mausam badal gae

ye bahs hi fuzul ki khoTe the ya khare

sikke the chalna un ka muqaddar tha chal gae

raste pe ek za'if ke chehre ko dekh kar

kya kya KHayal zehn ke goshon mein pal gae

pahchanne mein aata nahin hai ab apna shahr

do-chaar sal mein sabhi naqshe badal gae