hum jahan naghma-o-ahang liye phirte hain
ham jahāñ naġhma-o-āhañg liye phirte haiñ
log hāthoñ meñ vahāñ sañg liye phirte haiñ
ham hī is ahd kā me.yār-e-taġhayyur hoñge
ham ki har daur meñ sau rañg liye phirte haiñ
kyā ho shorīda-saroñ kī guzar auqāt ki log
dast-e-be-faiz-o-dil-e-tañg liye phirte haiñ
sab tirā husn tire husn-e-sahī-qad meñ nahīñ
ham bhī āñkhoñ meñ ajab rañg liye phirte haiñ
'shauq' dushvār hai ab mo.ajiza-e-fan kī numūd
log ash.ār meñ farhañg liye phirte haiñ
hum jahan naghma-o-ahang liye phirte hain
log hathon mein wahan sang liye phirte hain
hum hi is ahd ka meyar-e-taghayyur honge
hum ki har daur mein sau rang liye phirte hain
kya ho shorida-saron ki guzar auqat ki log
dast-e-be-faiz-o-dil-e-tang liye phirte hain
sab tera husn tere husn-e-sahi-qad mein nahin
hum bhi aankhon mein ajab rang liye phirte hain
'shauq' dushwar hai ab moajiza-e-fan ki numud
log ashaar mein farhang liye phirte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
