hum jo bichhDe hain to aankhon ko bhigote hi rahe

ham jo bichhḌe haiñ to āñkhoñ ko bhigote hī rahe

motī palkoñ pe hama-vaqt pirote hī rahe

ham to so.e the ghanī niiñd kī chādar oḌhe

ḳhvāb kyā dekh liyā aisā ki rote hī rahe

yā to vo de na sake dard ke lamhoñ ko ḳhirāj

yā na.e zaḳhm mile haiñ jinheñ dhote hī rahe

is judā.ī kī siyah-rāt ne sone na diyā

ham tirī yaad ke lamhoñ ko pirote hī rahe

tum ga.e vaqt ke mānind rahe ḳhush 'manzar'

bār-e-ġham log na.ī nasl ke Dhote hī rahe

hum jo bichhDe hain to aankhon ko bhigote hi rahe

moti palkon pe hama-waqt pirote hi rahe

hum to soe the ghani nind ki chadar oDhe

KHwab kya dekh liya aisa ki rote hi rahe

ya to wo de na sake dard ke lamhon ko KHiraj

ya nae zaKHm mile hain jinhen dhote hi rahe

is judai ki siyah-raat ne sone na diya

hum teri yaad ke lamhon ko pirote hi rahe

tum gae waqt ke manind rahe KHush 'manzar'

bar-e-gham log nai nasl ke Dhote hi rahe