hum junun pesha ki rahte the teri zat mein gum

ham junūñ pesha ki rahte the tirī zaat meñ gum

ho ga.e silsila-e-gardish-e-hālāt meñ gum

arsa-e-vasl meñ bhī harf-e-tamannā na khulā

husn-e-ilhām rahā parda-e-āyāt meñ gum

aql añgusht-ba-dandāñ hai nazar hairāñ hai

kaun sī chiiz huī arz-o-samāvāt meñ gum

kitne kan.ān hue ḳhvāb-e-zuleḳhā meñ asiir

kitne yāqūb rahe hijr ke sadmāt meñ gum

koī mā.il-ba-samā.at na huā sad afsos!

naġhma-e-dard rahā sīna-e-jazbāt meñ gum

maiñ tire shahr se guzrā huuñ bagūle kī tarah

apnī duniyā meñ magan apne ḳhayālāt meñ gum

hum junun pesha ki rahte the teri zat mein gum

ho gae silsila-e-gardish-e-haalat mein gum

arsa-e-wasl mein bhi harf-e-tamanna na khula

husn-e-ilham raha parda-e-ayat mein gum

aql angusht-ba-dandan hai nazar hairan hai

kaun si chiz hui arz-o-samawat mein gum

kitne kanan hue KHwab-e-zuleKHa mein asir

kitne yaqub rahe hijr ke sadmat mein gum

koi mail-ba-samaat na hua sad afsos!

naghma-e-dard raha sina-e-jazbaat mein gum

main tere shahr se guzra hun bagule ki tarah

apni duniya mein magan apne KHayalat mein gum