hum karen kis pe bharosa ki yahan sab jhuTe

ham kareñ kis pe bharosa ki yahāñ sab jhūTe

ye mohabbat ye mohabbat ke nishāñ sab jhūTe

koī aisā nahīñ mushkil meñ jo kuchh kaam aa.e

kis kā ham zikr kareñ jān-e-jahāñ sab jhūTe

ham ne dekhā hai vo manzar ki laraz jaatā hai dil

kaise kah deñ ki nahīñ ahl-e-jahāñ sab jhūTe

rāhateñ ḳhvāb sahī tum to haqīqat Thahre

baat ik sach hai yahī baaqī nishāñ sab jhūTe

dil bhī apnā nahīñ nāhaq hai shikāyat un kī

jis qadar bhī hoñ mohabbat meñ gumāñ sab jhūTe

ain mumkin hai ki tūfāñ meñ badal deñ tevar

jo safīne haiñ samundar meñ ravāñ sab jhūTe

un kī tasvīr bhī miT jā.egī ik din 'anjum'

ye nazāre ki jo haiñ rangfishāñ sab jhūTe

hum karen kis pe bharosa ki yahan sab jhuTe

ye mohabbat ye mohabbat ke nishan sab jhuTe

koi aisa nahin mushkil mein jo kuchh kaam aae

kis ka hum zikr karen jaan-e-jahan sab jhuTe

hum ne dekha hai wo manzar ki laraz jata hai dil

kaise kah den ki nahin ahl-e-jahan sab jhuTe

rahaten KHwab sahi tum to haqiqat Thahre

baat ek sach hai yahi baqi nishan sab jhuTe

dil bhi apna nahin nahaq hai shikayat un ki

jis qadar bhi hon mohabbat mein guman sab jhuTe

ain mumkin hai ki tufan mein badal den tewar

jo safine hain samundar mein rawan sab jhuTe

un ki taswir bhi miT jaegi ek din 'anjum'

ye nazare ki jo hain rangfishan sab jhuTe