ہم کہ اب پیاس کے مارے بھی نہیں آئیں گے

ہم کہ اب پیاس کے مارے بھی نہیں آئیں گے

یم بہ یم آب پکارے بھی نہیں آئیں گے

رائیگانی کا وہ عالم ہے کہ یوں لگتا ہے

میرے حصے میں خسارے بھی نہیں آئیں گے

اتنی بیزار ہیں آنکھیں کہ خدا جانتا ہے

ہم کو اب خواب تمھارے بھی نہیں آئیں گے

حالت اصل میں لگتا ہے خد و خال مرے

اب ترا زنگ اتارے بھی نہیں آئیں گے

کوئی گرداب نہیں آئے گا دوران سفر

اور ستم یہ ہے کنارے بھی نہیں آئیں گے

ایسے چھوڑیں گے ترا شہر کہ ہم اس کی طرف

گردش وقت کے مارے بھی نہیں آئیں گے