hum ki afkar ko tajsim kiya karte hain

ham ki afkār ko tajsīm kiyā karte haiñ

harf-o-alfāz kī tahrīm kiyā karte haiñ

band kar lete haiñ āvāra havā muTThī meñ

phir fazā meñ use taqsīm kiyā karte haiñ

vaqt jab haath nahīñ aatā to roz-o-shab meñ

intiqāman use taqvīm kiyā karte haiñ

kab sitārā koī māthe kī shikan meñ utrā

sab fusūñ sāhab-e-tanjīm kiyā karte haiñ

ham ko ilzām na diije koī 'shākir'-kunDān

ham to nisbat kī bhī takrīm kiyā karte haiñ

hum ki afkar ko tajsim kiya karte hain

harf-o-alfaz ki tahrim kiya karte hain

band kar lete hain aawara hawa muTThi mein

phir faza mein use taqsim kiya karte hain

waqt jab hath nahin aata to roz-o-shab mein

intiqaman use taqwim kiya karte hain

kab sitara koi mathe ki shikan mein utra

sab fusun sahab-e-tanjim kiya karte hain

hum ko ilzam na dije koi 'shakir'-kunDan

hum to nisbat ki bhi takrim kiya karte hain