hum ki mushkil se teri rahguzar tak pahunche

ham ki mushkil se tirī rāhguzar tak pahuñche

nahīñ mumkin ki tujhe is kī ḳhabar tak pahuñche

sar meñ kuchh aur bhī saudā-e-junūñ-ḳhez baḌhā

jab tire gesū-e-shab-rañg kamar tak pahuñche

āñsuoñ se rahīñ labrez hamesha āñkheñ

tere jalve na kabhī merī nazar tak pahuñche

be-ḳhabar tū hī rahā hai mirī betābi se

mere naale to shab-e-ġham meñ sahar tak pahuñche

merī furqat meñ du'ā ek yahī hai 'sāqib'

aah merī na kabhī hadd-e-asar tak pahuñche

hum ki mushkil se teri rahguzar tak pahunche

nahin mumkin ki tujhe is ki KHabar tak pahunche

sar mein kuchh aur bhi sauda-e-junun-KHez baDha

jab tere gesu-e-shab-rang kamar tak pahunche

aansuon se rahin labrez hamesha aankhen

tere jalwe na kabhi meri nazar tak pahunche

be-KHabar tu hi raha hai meri betabi se

mere nale to shab-e-gham mein sahar tak pahunche

meri furqat mein du'a ek yahi hai 'saqib'

aah meri na kabhi hadd-e-asar tak pahunche