hum ki the KHush-fahm din ki be-panahi dekh kar

ham ki the ḳhush-fahm din kī be-panāhī dekh kar

haath malte rah ga.e shab kī siyāhī dekh kar

kaun dāman dekhtā hai kaun suntā hai dalīl

jurm sābit ho rahā hai be-gunāhī dekh kar

ham na kahte the dinoñ meñ ik hamārā din bhī hai

din badalte haiñ hamārī dād-ḳhvāhī dekh kar

dilbarī se ḳhud-parastī ne rakhā nā-āshnā

rukte rukte ruk ga.e ham kam-nigāhī dekh kar

harf-e-be-ma.anī se behtar hai navā-e-be-sadā

ro paḌā maiñ vaqt kī vīrāñ-nigāhī dekh kar

ḳhaak par likkhe ga.e ham ḳhaak par rakkhe ga.e

lahlahā.e sabzagī kī ḳhush-giyāhī dekh kar

dil-nashīñ hai ġhuncha-e-nau-vaqt lekin kab talak

dil lahū hai shāḳh-e-gul kī kaj-kulāhī dekh kar

kitne aise dard haiñ jin kī davā chāhī ga.ī

sochtā huuñ zaḳhm-e-dil kī bār-gāhī dekh kar

dīda-e-sailāb-jū kī dasht-pairā.ī ḳhumār

ālam-e-ḳhāshāk kī dekhī tabāhī dekh kar

hum ki the KHush-fahm din ki be-panahi dekh kar

hath malte rah gae shab ki siyahi dekh kar

kaun daman dekhta hai kaun sunta hai dalil

jurm sabit ho raha hai be-gunahi dekh kar

hum na kahte the dinon mein ek hamara din bhi hai

din badalte hain hamari dad-KHwahi dekh kar

dilbari se KHud-parasti ne rakha na-ashna

rukte rukte ruk gae hum kam-nigahi dekh kar

harf-e-be-mani se behtar hai nawa-e-be-sada

ro paDa main waqt ki viran-nigahi dekh kar

KHak par likkhe gae hum KHak par rakkhe gae

lahlahae sabzagi ki KHush-giyahi dekh kar

dil-nashin hai ghuncha-e-nau-waqt lekin kab talak

dil lahu hai shaKH-e-gul ki kaj-kulahi dekh kar

kitne aise dard hain jin ki dawa chahi gai

sochta hun zaKHm-e-dil ki bar-gahi dekh kar

dida-e-sailab-ju ki dasht-pairai KHumar

aalam-e-KHashak ki dekhi tabahi dekh kar