hum kis shab-e-siyah ke daman mein bas gae

ham kis shab-e-siyāh ke dāman meñ bas ga.e

terī ziyā-e-ruḳh ko dil-o-jāñ taras ga.e

murjhā rahī haiñ apnī umañgoñ kī koñpleñ

bādal na jaane kaun sī jānib baras ga.e

ujḌe the dil so ujḌe hue haiñ kuchh aur bhī

kyā kyā na varna kūcha-o-bāzār bas ga.e

āvārgān-e-shauq ne manzil na kī qubūl

gulshan kā dar khulā to vo sū-e-qafas ga.e

hai hijr-e-dostāñ bhī karam dard-e-jāñ-fazā

āñkhoñ meñ jo base the vo ab dil meñ bas ga.e

hum kis shab-e-siyah ke daman mein bas gae

teri ziya-e-ruKH ko dil-o-jaan taras gae

murjha rahi hain apni umangon ki konplen

baadal na jaane kaun si jaanib baras gae

ujDe the dil so ujDe hue hain kuchh aur bhi

kya kya na warna kucha-o-bazar bas gae

aawargan-e-shauq ne manzil na ki qubul

gulshan ka dar khula to wo su-e-qafas gae

hai hijr-e-dostan bhi karam dard-e-jaan-faza

aankhon mein jo base the wo ab dil mein bas gae