hum kisi paikar-e-mar-mar ki taraf kya dekhen

ham kisī paikar-e-mar-mar kī taraf kyā dekheñ

aa.ina dekh ke patthar kī taraf kyā dekheñ

dekhnā hai to kabhī Duub ke dekheñge use

is bulandī se samundar kī taraf kyā dekheñ

sāmne jo hai vo manzar nahīñ dekhā jaatā

sar pe laTke hue ḳhanjar kī taraf kyā dekheñ

band kamre meñ ghuTan hai magar uljhan to nahīñ

khiḌkiyāñ khol ke bāhar kī taraf kyā dekheñ

ham ko ma.alūm hai har lamha-e-hastī kā hisāb

uTh ke har sub.h calendar kī taraf kyā dekheñ

hum kisi paikar-e-mar-mar ki taraf kya dekhen

aaina dekh ke patthar ki taraf kya dekhen

dekhna hai to kabhi Dub ke dekhenge use

is bulandi se samundar ki taraf kya dekhen

samne jo hai wo manzar nahin dekha jata

sar pe laTke hue KHanjar ki taraf kya dekhen

band kamre mein ghuTan hai magar uljhan to nahin

khiDkiyan khol ke bahar ki taraf kya dekhen

hum ko malum hai har lamha-e-hasti ka hisab

uTh ke har subh calendar ki taraf kya dekhen