hum ko anjam se aagah kiye jata hai

ham ko anjām se āgāh kiye jaatā hai

vaqt āvāz pe āvāz diye jaatā hai

zindagī Thokareñ khātī huī phirtī hai magar

aadmī hai ki bahar-hāl ji.e jaatā hai

kaash vo apnī bhī kotāhī kā ehsās kare

jo muqaddar hī ko ilzām diye jaatā hai

Dūbne vaale ko āvāz koī de ki na de

Dūbne vaalā to āvāz diye jaatā hai

bastiyāñ is se bhī vīrān mileñgī 'razmī'

chhoḌ kar dasht vahāñ kis ke liye jaatā hai

hum ko anjam se aagah kiye jata hai

waqt aawaz pe aawaz diye jata hai

zindagi Thokaren khati hui phirti hai magar

aadmi hai ki bahar-haal jie jata hai

kash wo apni bhi kotahi ka ehsas kare

jo muqaddar hi ko ilzam diye jata hai

Dubne wale ko aawaz koi de ki na de

Dubne wala to aawaz diye jata hai

bastiyan is se bhi viran milengi 'razmi'

chhoD kar dasht wahan kis ke liye jata hai