hum ko hai jis ki talab wo yar milta hi nahin

ham ko hai jis kī talab vo yaar miltā hī nahīñ

dil churā ke le gayā dildār miltā hī nahīñ

merī jānib se ḳhudā jaane adū ne kyā kahā

is qadar jo ho gayā bezār miltā hī nahīñ

zulf-e-jānāñ kī balā.eñ luuñ kabhī ruḳh par nisār

kaash mil jaa.e kahīñ ik baar miltā hī nahīñ

miltā-jultā rahtā thā har-vaqt vo ab to 'azīz'

aah aisī ho ga.ī takrār miltā hī nahīñ

hum ko hai jis ki talab wo yar milta hi nahin

dil chura ke le gaya dildar milta hi nahin

meri jaanib se KHuda jaane adu ne kya kaha

is qadar jo ho gaya bezar milta hi nahin

zulf-e-jaanan ki balaen lun kabhi ruKH par nisar

kash mil jae kahin ek bar milta hi nahin

milta-julta rahta tha har-waqt wo ab to 'aziz'

aah aisi ho gai takrar milta hi nahin