ہم کو اس کا بھی کچھ گلا نہ ہوا

ہم کو اس کا بھی کچھ گلا نہ ہوا

کوئی وعدہ وفا ہوا نہ ہوا

آپ کا کون سا کہا نہ ہوا

میری قسمت کا جو لکھا نہ ہوا

عمر بھر کی قضا ادا ہوتی

فرض ایسا کوئی ادا نہ ہوا

میں نے منت بھی کی خوشامد بھی

اس پے لیکن اثر ذرا نا ہوا

آتش ہجر میں جلا برسوں

دل مگر پھر بھی کام کا نا ہوا

خوگر غم بنے بھی ہم تو کیا

دل ہی جب درد آشنا نا ہوا

یہ بھی اک اتفاق تھا شاید

زخم دل پھر کوئی ہرا نا ہوا

ہم سے توبہ شکن کہاں ہوں گے

باب رحمت کہیں جو وا نا ہوا

آپ زمزمؔ بنے سبھی کے مگر

اس پہ بھی کوئی آپ کا نہ ہوا