hum ko jahan-e-shauq ka manzar nahin mila

ham ko jahān-e-shauq kā manzar nahīñ milā

raste kī tez dhuup milī ghar nahīñ milā

tujh meñ jo baat hai vo kisī aur meñ kahāñ

tujh sā koī bhī shaḳhs kahīñ par nahīñ milā

ḳhud hī chunā thā maiñ ne mohabbat kā rāsta

koī bhī dard ḳhud mujhe aa kar nahīñ milā

Dar thā use vabā kā hī pās-e-vafā na thā

aayā to mujh ko dil se lagā kar nahīñ milā

ab ke baras maiñ gaañv se lauTā ba-ḳhairiyat

raste meñ us kī yaad kā lashkar nahīñ milā

maujūd to the zāhirī asbāb bhī tamām

phir sochtā huuñ vo mujhe kyūñkar nahīñ milā

aa.e aur aa ke dekh le dāman kī dhajjiyāñ

jis ko kahīñ dayār-e-sitamgar nahīñ milā

hum ko jahan-e-shauq ka manzar nahin mila

raste ki tez dhup mili ghar nahin mila

tujh mein jo baat hai wo kisi aur mein kahan

tujh sa koi bhi shaKHs kahin par nahin mila

KHud hi chuna tha main ne mohabbat ka rasta

koi bhi dard KHud mujhe aa kar nahin mila

Dar tha use waba ka hi pas-e-wafa na tha

aaya to mujh ko dil se laga kar nahin mila

ab ke baras main ganw se lauTa ba-KHairiyat

raste mein us ki yaad ka lashkar nahin mila

maujud to the zahiri asbab bhi tamam

phir sochta hun wo mujhe kyunkar nahin mila

aae aur aa ke dekh le daman ki dhajjiyan

jis ko kahin dayar-e-sitamgar nahin mila