hum ko KHuda ne dil diya dil mein diya gudaz-e-ishq

ham ko ḳhudā ne dil diyā dil meñ diyā gudāz-e-ishq

baḳhshā ḳhudā ne aap ko husn-e-karishma-sāz-e-ishq

ro.ab-e-jamāl-e-yār se ḳham hai sar-e-niyāz-e-ishq

husn kī bārgāh meñ paḌhte haiñ ham namāz-e-ishq

koī batā.e to hameñ kis ko nahīñ hai āz-e-ishq

kaun hai is jahān meñ be-ġham-o-be-niyāz-e-ishq

ḳhaak meñ mil ke ishq meñ miltī haiñ sar-bulandiyāñ

ho ke zalīl-o-ḳhvār ishq hotā hai sarfarāz ishq

yaarā rahā na zabt kā taab rahī na sabr kī

āh-o-fuġhāñ ne kar diyā faash hamārā rāz-e-ishq

zāhid-e-nā-shanās kā ishq se vāsta hai kyā

kījiye āshiqoñ se hal mas.ala-e-javāz-e-ishq

san.at-e-kirdgār par kartā huuñ jān-o-dil nisār

rakhtā huuñ saarī umr se husn se sāz-o-bāz-e-ishq

khātā hai pahle dil ko ye panja-e-ġham se noch kar

kartā hai aadmī pe vaar jis ghaḌī shāh-bāz-e-ishq

ham vo rahe na dil rahā dil meñ na valvale rahe

bazm-e-shabāb uTh ga.ī band hai soz-o-sāz-e-ishq

husn meñ un ke aur bhī Tak ga.e hote chār-chāñd

kaash ki hote vo kabhī dilbar-o-dil-navāz-e-ishq

hum ko KHuda ne dil diya dil mein diya gudaz-e-ishq

baKHsha KHuda ne aap ko husn-e-karishma-saz-e-ishq

roab-e-jamal-e-yar se KHam hai sar-e-niyaz-e-ishq

husn ki bargah mein paDhte hain hum namaz-e-ishq

koi batae to hamein kis ko nahin hai aaz-e-ishq

kaun hai is jahan mein be-gham-o-be-niyaz-e-ishq

KHak mein mil ke ishq mein milti hain sar-bulandiyan

ho ke zalil-o-KHwar ishq hota hai sarfaraaz ishq

yara raha na zabt ka tab rahi na sabr ki

aah-o-fughan ne kar diya fash hamara raaz-e-ishq

zahid-e-na-shanas ka ishq se wasta hai kya

kijiye aashiqon se hal masala-e-jawaz-e-ishq

sanat-e-kirdgar par karta hun jaan-o-dil nisar

rakhta hun sari umr se husn se saz-o-baz-e-ishq

khata hai pahle dil ko ye panja-e-gham se noch kar

karta hai aadmi pe war jis ghaDi shah-baz-e-ishq

hum wo rahe na dil raha dil mein na walwale rahe

bazm-e-shabab uTh gai band hai soz-o-saz-e-ishq

husn mein un ke aur bhi Tak gae hote chaar-chand

kash ki hote wo kabhi dilbar-o-dil-nawaz-e-ishq