hum ko KHulus-e-dil ka kisi ne sila diya hai

ham ko ḳhulūs-e-dil kā kisī ne sila diyā hai

ik tū ne ġham diyā hai so vo bhī kyā diyā hai

shahr-e-nigār-e-dil hai ātish-kade kī sūrat

mausam ne is baras bhī tohfa baḌā diyā hai

ham se nihāl-e-gulshan rañgīñ-nafas hue haiñ

dast-e-sabā ko ham ne rañg-e-hinā diyā hai

apnoñ kī justujū hai apne magar kahāñ haiñ

logoñ ne jaane ham ko kis kā patā diyā hai

jaañ vārte usī par vo qadr-dāñ jo hotā

bas paas thā jo apne vo sab luTā diyā hai

aisī havā meñ tanhā kyuuñ chhoḌte ho us ko

yaaro 'ḳhalīl' ab tak jaltā huā diyā hai

hum ko KHulus-e-dil ka kisi ne sila diya hai

ek tu ne gham diya hai so wo bhi kya diya hai

shahr-e-nigar-e-dil hai aatish-kade ki surat

mausam ne is baras bhi tohfa baDa diya hai

hum se nihaal-e-gulshan rangin-nafas hue hain

dast-e-saba ko hum ne rang-e-hina diya hai

apnon ki justuju hai apne magar kahan hain

logon ne jaane hum ko kis ka pata diya hai

jaan warte usi par wo qadr-dan jo hota

bas pas tha jo apne wo sab luTa diya hai

aisi hawa mein tanha kyun chhoDte ho us ko

yaro 'KHalil' ab tak jalta hua diya hai