hum ko lutf aata hai ab fareb khane mein

ham ko lutf aatā hai ab fareb khāne meñ

āzmā.eñ logoñ ko ḳhuub āzmāne meñ

do-ghaḌī ke sāthī ko ham-safar samajhte haiñ

kis qadar purāne haiñ ham na.e zamāne meñ

tere paas aane meñ aadhī umr guzrī hai

aadhī umr guzregī tujh se uub jaane meñ

ehtiyāt rakhne kī koī had bhī hotī hai

bhed ham ne khole haiñ bhed ko chhupāne meñ

zindagī tamāshā hai aur is tamāshe meñ

khel ham bigāḌeñge khel ko banāne meñ

hum ko lutf aata hai ab fareb khane mein

aazmaen logon ko KHub aazmane mein

do-ghaDi ke sathi ko ham-safar samajhte hain

kis qadar purane hain hum nae zamane mein

tere pas aane mein aadhi umr guzri hai

aadhi umr guzregi tujh se ub jaane mein

ehtiyat rakhne ki koi had bhi hoti hai

bhed hum ne khole hain bhed ko chhupane mein

zindagi tamasha hai aur is tamashe mein

khel hum bigaDenge khel ko banane mein