hum ko mili saza hai KHata ke baghair bhi

ham ko milī sazā hai ḳhatā ke baġhair bhī

vo bā-vafā hue haiñ vafā ke baġhair bhī

man maar kar jahān meñ jiine ke vāste

rahte haiñ log saath razā ke baġhair bhī

jaadū kisī ke 'ishq kā hogā chalā zarūr

jo laḌkhaḌā rahe haiñ nasha ke baġhair bhī

jo bhī milā hai maan ke qismat use yahāñ

jīvan bitā rahe haiñ maza ke baġhair bhī

dete the sar kaTā kabhī 'izzat ke vāste

ab jī rahe haiñ log anā ke baġhair bhī

pardā haTā ke chāñd sā chehra dikhā.iye

raushan ho merī raat ziyā ke baġhair bhī

peḌoñ ko kaaTo baa'd meñ pahle ye soch lo

kyā saañs le sakoge havā ke baġhair bhī

ye sochnā bhī kufr hai insān ke liye

qaa.em hai kuchh jahāñ meñ ḳhudā ke baġhair bhī

hum ko mili saza hai KHata ke baghair bhi

wo ba-wafa hue hain wafa ke baghair bhi

man mar kar jahan mein jine ke waste

rahte hain log sath raza ke baghair bhi

jadu kisi ke 'ishq ka hoga chala zarur

jo laDkhaDa rahe hain nasha ke baghair bhi

jo bhi mila hai man ke qismat use yahan

jiwan bita rahe hain maza ke baghair bhi

dete the sar kaTa kabhi 'izzat ke waste

ab ji rahe hain log ana ke baghair bhi

parda haTa ke chand sa chehra dikhaiye

raushan ho meri raat ziya ke baghair bhi

peDon ko kaTo ba'd mein pahle ye soch lo

kya sans le sakoge hawa ke baghair bhi

ye sochna bhi kufr hai insan ke liye

qaem hai kuchh jahan mein KHuda ke baghair bhi