hum ko rah-e-ashiqi mein zindagi ka gham na tha

ham ko rāh-e-āshiqī meñ zindagī kā ġham na thā

marhala-dar-marhala ġham-e-āshiqī hī kam na thā

dhīre dhīre siikh lī ham ne nigāhoñ kī zabāñ

un kā andāz-e-takallum bhī bahut mub.ham na thā

shahar kā aalam ki jaise sab yahāñ patthar ke hoñ

ḳhūn-e-insāñ bah rahā thā aur kisī ko ġham na thā

kyoñ churā lete haiñ nazreñ aate jaate log ab

mai-kade kā sāqiyā pahle to ye aalam na thā

āstānoñ par jabīñ-sā.ī mirā sheva nahīñ

mā-sivā tere kisī dar par ye māthā ḳham na thā

mo.ajiza thā aap kā hāthoñ ko mere thāmnā

phir to jaise zindagī meñ koī pech-o-ḳham na thā

hum ko rah-e-ashiqi mein zindagi ka gham na tha

marhala-dar-marhala gham-e-ashiqi hi kam na tha

dhire dhire sikh li hum ne nigahon ki zaban

un ka andaz-e-takallum bhi bahut mubham na tha

shahar ka aalam ki jaise sab yahan patthar ke hon

KHun-e-insan bah raha tha aur kisi ko gham na tha

kyon chura lete hain nazren aate jate log ab

mai-kade ka saqiya pahle to ye aalam na tha

aastanon par jabin-sai mera shewa nahin

ma-siwa tere kisi dar par ye matha KHam na tha

moajiza tha aap ka hathon ko mere thamna

phir to jaise zindagi mein koi pech-o-KHam na tha