hum ko rakhni thi so ek chaak pe rakh di miTTi

ham ko rakhnī thī so ik chaak pe rakh dī miTTī

kūza-gar jaane ki kis shakl Dhalegī miTTī

shahr kī galiyoñ meñ ik shor thā duniyā duniyā

qabr-gāhoñ se sadā aa.ī ki miTTī miTTī

us kī zid thī ki Dhaleñ us kī hī ham shartoñ par

aur ham le ke chale aa.e haiñ apnī miTTī

ek muddat se koī shakl nahīñ miltī hameñ

tū ne kis chaak pe rakh dī ye hamārī miTTī

ham kahāñ aur kisī zaat meñ hote haiñ nihāñ

apnī miTTī se nahīñ miltī kisī kī miTTī

chhān kar dekhnā mil jā.eñgī merī kircheñ

tere āñgan meñ jo ik sub.h milegī miTTī

dasht hī dasht nazar aatā hai mujh ko ai havā

tū ne Daalī hai mirī aañkh meñ kaisī miTTī

ḳhatm hotā hī nahīñ hai kisī ḳhvāhish kā tavāf

kyoñ kisī chaak ko miltī nahīñ achchhī miTTī

hum ko rakhni thi so ek chaak pe rakh di miTTi

kuza-gar jaane ki kis shakl Dhalegi miTTi

shahr ki galiyon mein ek shor tha duniya duniya

qabr-gahon se sada aai ki miTTi miTTi

us ki zid thi ki Dhalen us ki hi hum sharton par

aur hum le ke chale aae hain apni miTTi

ek muddat se koi shakl nahin milti hamein

tu ne kis chaak pe rakh di ye hamari miTTi

hum kahan aur kisi zat mein hote hain nihan

apni miTTi se nahin milti kisi ki miTTi

chhan kar dekhna mil jaengi meri kirchen

tere aangan mein jo ek subh milegi miTTi

dasht hi dasht nazar aata hai mujh ko ai hawa

tu ne Dali hai meri aankh mein kaisi miTTi

KHatm hota hi nahin hai kisi KHwahish ka tawaf

kyon kisi chaak ko milti nahin achchhi miTTi