hum ko rasta bata ke lauT gae

ham ko rasta batā ke lauT ga.e

ham-safar muskurā ke lauT ga.e

vo jo kahte the ghar banā.eñge

sirf naqsha banā ke lauT ga.e

raat bhar āñdhiyāñ chalīñ ghar meñ

tum to parde hilā ke lauT ga.e

nabz par uñgliyāñ nahīñ rakkhīñ

sab davā.eñ batā ke lauT ga.e

jo ḳhudā se milāne aa.e the

vo ḳhudā se Darā ke lauT ga.e

hoñTh to hil rahe the raat un ke

kyā pata kyā batā ke lauT ga.e

hum ko rasta bata ke lauT gae

ham-safar muskura ke lauT gae

wo jo kahte the ghar banaenge

sirf naqsha bana ke lauT gae

raat bhar aandhiyan chalin ghar mein

tum to parde hila ke lauT gae

nabz par ungliyan nahin rakkhin

sab dawaen bata ke lauT gae

jo KHuda se milane aae the

wo KHuda se Dara ke lauT gae

honTh to hil rahe the raat un ke

kya pata kya bata ke lauT gae