hum kya kahen ki aabla-pai se kya mila

ham kyā kaheñ ki ābla-pā.ī se kyā milā

duniyā milī kisī ko kisī ko ḳhudā milā

ham ḳhud ko dekhne ke to laa.eq na the magar

har aa.ina hamārī taraf dekhtā milā

aisā thā kaun ruuh ke andar jo dekhtā

har sat.h meñ vagarna hameñ jāñchtā milā

insān aur vaqt meñ kab dostī rahī

har lamha aadmī kā lahū chāTtā milā

insāñ samajh ke ham ne use dil meñ rakh liyā

insāñ ke ruup meñ magar ik devtā milā

dildār bhī mile hameñ par is ko kyā kareñ

koī ḳhayāl sā to koī ḳhvāb sā milā

hum kya kahen ki aabla-pai se kya mila

duniya mili kisi ko kisi ko KHuda mila

hum KHud ko dekhne ke to laeq na the magar

har aaina hamari taraf dekhta mila

aisa tha kaun ruh ke andar jo dekhta

har sath mein wagarna hamein jaanchta mila

insan aur waqt mein kab dosti rahi

har lamha aadmi ka lahu chaTta mila

insan samajh ke hum ne use dil mein rakh liya

insan ke rup mein magar ek dewta mila

dildar bhi mile hamein par is ko kya karen

koi KHayal sa to koi KHwab sa mila